Barnavernd

Sigrún Gyða Matthíasdóttir, leikskólastjóri hefur yfirumsjón með málaflokki barnaverndarmála á Akri.

Erla Ragnarsdóttir, þroskaþjálfi og tengiliður farsældar hefur umsjón með barnaverndarmálum á Akri og er tengiliður skólans við Barnavernd Reykjanesbæjar.

Markmið barnaverndar er að tryggja börnum viðunandi uppeldisskilyrði með því að styrkja fjölskyldur og beita úrræðum til verndar einstaka börnum þegar það á við. Með börnum er átt við einstakling undir 18 ára aldri. Barnavernd tekur ávallt mið af stefnu Reykjanesbæjar, barnaverndarlögum nr. 80/2002, og Barnasáttmála Sameinuðu þjóðanna.

Tilkynningarskylda þeirra sem hafa afskipti af börnum

• Sérstaklega er leikskólastjórum, leikskólakennurum, þroskaþjálfum og þeim sem starfa með börnum; skylt að fylgjast með hegðun, uppeldi og aðbúnaði barna egtir því sem við verður komið og gera barnaverndarþjónustu viðvart ef ætla má að aðstæður barns séu með þeim hætti sem lýst er í 1. mgr. barnaverndarlaga.
• gengur framar ákvæðum laga eða siðareglna um þagnarskyldu viðkomandi starfsstétta (barnaverndarlög nr. 80/2002, 17.gr.).

Tilkynningarskylda almennings

(16. gr. barnaverndarlaga)

• Öllum er skylt að tilkynna til barnaverndarþjónustu ef þeir hafa ástæðu til að ætla að barn:

a. búi við óviðunandi uppeldisaðstæður,
 b. verði fyrir ofbeldi eða annarri vanvirðandi háttsemi eða
 c. stofni heilsu sinni og þroska í alvarlega hættu.

• Þá er öllum skylt að tilkynna til barnaverndarþjónustu ef þeir hafa ástæðu til að ætla að lífi, heilsu eða þroska ófædds barns sé stefnt í alvarlega hættu vegna lífernis, háttsemi eða aðstæðna verðandi foreldra þess eða um hvert það tilvik sem telja má að barnaverndarþjónusta eigi að láta sig varða.